చిట్టి చిట్టి చీమలన్నీ జట్టు కట్టి పట్టు పట్టి

చిట్టి చిట్టి చీమలన్నీ జట్టు కట్టి పట్టు పట్టి
నోట కరచి తెచ్చుకున్న మట్టి పెళ్లల కూర్చి కూర్చి
పేర్చి పేర్చి కట్టుకున్న పుట్ట ఇంట
కళ్ళు కప్పి బుసలు కొట్టి పరుగు పరుగున
విషపు నాగే వచ్చి చేర ...
చీమలన్నీ చేరి కూరి పంతమాడి అంత పామును
కుట్టి కుట్టి పెట్టవా..మట్టిపాలు చేయవా...
చేవ లేక, చేత కాక చీమలన్నీ వూరకుండిన
చీమ కలలే చెదిరిపోవు,చింతయే మరి మిగిలిపోవు
చీమలే అని చిన్న చూపు చూడబోయే అంత నాగు
చాలు మేమే నీదు చావుకు అనుచు చాటే ఇంత చీమలు...

అలసత్వమే అసలు జబ్బు,అది వీడితే రాజు నువ్వు

అలసత్వమే అసలు జబ్బు,అది వీడితే రాజు నువ్వు
నిరాడంబరమును మించు నిజ సంపద లేదు లేదు
చిరునవ్వే వెలుగునిచ్చు,క్షమ మనసున శాంతి నింపు
అవినీతిని ఎదురించు, మానవతను బ్రతికించు
తెలుసు నీకు మంచి చెడ్డ ,తెలిసి చెడకురా బిడ్డ !!