పిలిచిన మురళికి,వలచిన మువ్వకి(pilichina muraliki valachina muvvaki)

సినిమా :ఆనంద భైరవి

రచన:వేటూరి
సంగీతం:రమేష్ నాయుడు
గానం:బాలు,జానకి

పిలిచిన మురళికి,వలచిన మువ్వకి, ఎదలో ఒకటే రాగం..
అది ఆనంద భైరవి రాగం!!
మురిసిన మురళికి, మెరిసిన మువ్వకి, ఎదలో ప్రేమ పరాగం..
మది ఆనంద భైరవి రాగం!!

కులికే మువ్వల అలికిడి వింటే కళలే నిద్దుర లేచే..
కులికే మువ్వల అలికిడి వింటే కళలే నిద్దుర లేచే..
మనసే మురళి ఆలాపనలో మధురానగరిగ తోచే..
యమునా నదిలా పొంగినది
స్వరమే వరమై..సంగమమై!!

మురిసిన మురళికి, మెరిసిన మువ్వకి, ఎదలో ప్రేమ పరాగం..
మది ఆనంద భైరవి రాగం!!
పిలిచిన మురళికి,వలచిన మువ్వకి, ఎదలో ఒకటే రాగం..
అది ఆనంద భైరవి రాగం!!

ఎవరీ గోపిక పదలయ వింటే ఎదలో అందియ మోగే..
పదమే పదమై మదిలో ఉంటే ప్రణయాలాపన సాగే..
హృదయం లయమై పోయినది..
లయలే ప్రియమై..జీవితమై!!

మురిసిన మురళికి, మెరిసిన మువ్వకి, ఎదలో ప్రేమ పరాగం..
మది ఆనంద భైరవి రాగం!!
పిలిచిన మురళికి,వలచిన మువ్వకి, ఎదలో ఒకటే రాగం..
అది ఆనంద భైరవి రాగం!!

లిపి లేని కంటి బాస తెలిపింది (Lipi leni kanti baasa)

సినిమా:శ్రీవారికి ప్రేమలేఖ

రచన:వేటూరి
సంగీతం:రమేష్ నాయుడు
గానం:ఎస్ పి బాలు,ఎస్ జానకి

లిపి లేని కంటి బాస తెలిపింది చిలిపి ఆశ

నీ కన్నుల కాటుక లేఖలలో
నీ సొగసుల కవితా రేఖలలో
ఇలా ఇలా చదవనీ నీ లేఖని ప్రణయ లేఖని
బదులైన లేని లేఖ బ్రతుకైన ప్రేమలేఖ
నీ కౌగిట బిగిసిన స్వాశలతో
నీ కవితలు నేర్పిన ప్రాసలతో
ఇలా ఇలా రాయనీ నా లేఖని ప్రణయ రేఖని
లిపి లేని కంటి బాస తెలిపింది చిలిపి ఆశ

అమావాశ్య నిశిలో కోటి తారలున్న ఆకాశం
వెదుకుతు ఉంది వేదన తానై విదియ నాటి జాబిలి కోసం
వెలుగునీడలెన్నున్నా వెలగలేని ఆకాశం
ఎదుగుతు ఉందీ వెన్నెల తానై ఒక్కనాటి పున్నమి కోసం

లిపి లేని కంటి బాస తెలిపింది చిలిపి ఆశ

అక్షరాల నీడలలో నీ జాడలు చూసుకుని
ఆ పదాల అల్లికలో నీ పెదవులు అద్దుకుని
నీ కంటికి పాపను నేనై నీ ఇంటికి వాకిలి నేనై
గడప దాటలేక నన్నే గడియ వేసుకున్నాను
గడియైనా నీవులేక గడపలేక ఉన్నాను

బదులైన లేని లేఖ బ్రతుకైన ప్రేమలేఖ
నీ కౌగిట బిగిసిన స్వాసలతో
నీ కవితలు నేర్పిన ప్రాసలతో
ఇలా ఇలా రాయనీ నా లేఖని ప్రణయ రేఖని
లిపి లేని కంటి బాస తెలిపింది చిలిపి ఆశ

తీగనై మల్లెలు పూచిన వేళ(teeganai mallelu poochina vela)

సినిమా:ఆరాధన

గానం:ఎస్ పి బాలు,పి జానకి

తీగనై మల్లెలు పూచిన వేళ

ఆగనా అల్లనా పూజకో మాల
మనసు తెర తీసినా మోమాటమేనా
మమత కలబోసినా మాట కరువేనా
తీగనై మల్లెలు పూచిన వేళ
ఆగనా అల్లనా పూజకో మాల

తెలిసీ తెలియందా ఇది తెలియక జరిగిందా
ఎపుడో జరిగిందా అది ఇపుడే తెలిసిందా
ఆశ పడ్డా అందుతుందా అర్హతైనా ఉందా
అందుకున్న పొందికుందా పొత్తు కుదిరిందా
ప్రేమకన్నా పాశముందా
పెంచుకుంటే దోషముందా
తెంచుకుంటే తీరుతుందా
పంచుకుంటే మరిచేదా

కలలో మెదిలిందా ఇది కథలో మది విందా
మెరుపై మెరిసిందా అది వలపై కురిసిందా
రాసి ఉంటే తప్పుతుందా తప్పు నీదవునా
మారమంటే మారుతుందా మసిపోతుందా
చేసుకున్న పున్నెముందా
చేరుకునే దారి ఉందా
చేదుకునే చేయి ఉందా
చేయి చేయి కలిసేనా

తీగనై మల్లెలు పూచిన వేళ
ఆగనా అల్లనా పూజకో మాల
మనసు తెర తీసినా మోమాటమేనా
మమత కలబోసినా మాట కరువేనా
తీగనై మల్లెలు పూచిన వేళ
ఆగనా అల్లనా పూజకో మాల

ఎచటి నుండి వీచెనో ఈ చల్లని గాలి(yechati Nundi veecheno ee challani gaali)

సినిమా:అప్పుచేసి పప్పు కూడు
గానం:ఘంటసాల,లీల

ఎచటి నుండి వీచెనో ఈ చల్లని గాలి

ఎచటి నుండి వీచెనో ఈ చల్లని గాలి
తీవెలపై ఊగుతూ ఊగులపై తూగుతూ
తీవెలపై ఊగుతూ ఊగులపై తూగుతూ
ప్రకృతినెల్ల హాయిగా..ఆ..
ప్రకృతినెల్ల హాయిగా తీయగా మాయగా
పరవశింప జేయుచూ
ఎచటి నుండి వీచెనో ఈ చల్లని గాలి

జాబిలితో ఆడుతూ వెన్నెలతో పాడుతూ
జాబిలితో ఆడుతూ వెన్నెలతో పాడుతూ
మనసు మీద హాయిగా..ఆ..
మనసు మీద హాయిగా తీయగా మాయగా
మత్తు మందు చల్లుతూ
ఎచటి నుండి వీచెనో ఈ చల్లని గాలి

హృదయ వీణ మీటుతూ ప్రేమ గీతి పాడుతూ
హృదయ వీణ మీటుతూ ప్రేమ గీతి పాడుతూ
ప్రకృతినెల్ల హాయిగా..ఆ..
ప్రకృతినెల్ల హాయిగా తీయగా మాయగా
పరవశింప జేయుచూ
ఎచటి నుండి వీచెనో ఈ చల్లని గాలి

ఉరకలై గోదావరి ఉరికే నా ఒడిలోనికి (vurakalai Godaavari Urike Naa Odiloniki )

సినిమా:అభిలాష

గానం:ఎస్ పి బాలు,ఎస్ జానకి

ఉరకలై గోదావరి ఉరికే నా ఒడిలోనికి
సొగసులై బృందావనీ విరిసే నా సిగలోనికీ
జత వెతుకు హృదయానికీ శృతి తెలిపే మురళీ
చిగురాకు చరణాలకీ సిరిమువ్వ రవళీ
రసమయం జగతీ
ఉరకలై గోదావరీ ఉరికె నా ఒడిలోనికీ

నీప్రణయ భావం నా జీవరాగం
నీప్రణయ భావం నా జీవరాగం
రాగాలూ తెలిపే భావాలూ నిజమైనవీ
లోకాలు మురిసే స్నేహాలు ఋజువైనవీ
అనురాగ రాగాలా స్వరలోకమే మనదైనదీ

ఉరకలై గోదావరి ఉరికే నా ఒడిలోనికి
జత వెతుకు హృదయానికీ శృతి తెలిపే మురళీ
చిగురాకు చరణాలకీ సిరిమువ్వ రవళీ
రసమయం జగతీ

నా పేద హృదయం నీ ప్రేమ నిలయం
నా పేద హృదయం నీ ప్రేమ నిలయం
నాదైన బ్రతుకే ఏనాడో నీదైనదీ
నీ వన్న మనిషే ఈనాడూ నాదైనదీ
ఒక గుండే అభిలాషా పదిమందికి బ్రతుకైనదీ

ఉరకలై గోదావరి ఉరికే నా ఒడిలోనికి
సొగసులై బృందావనీ విరిసే నా సిగలోనికీ
జత వెతుకు హృదయానికీ శృతి తెలిపే మురళీ
చిగురాకు చరణాలకీ సిరిమువ్వ రవళీ
రసమయం జగతీ

మధుమాస వేళలో(madhumaasa Velalo.. Marumalle Totalo)

సినిమా:అందమె ఆనందం

సంగీతం:సత్యం
రచన:దాశరధి
గానం:ఎస్ పి బాలు

మధుమాస వేళలో.. మరుమల్లె తోటలో

మధుమాస వేళలో.. మరుమల్లె తోటలో
మనసైన చిన్నది.. లేదేలనో
మధుమాస వేళలో.. మరుమల్లె తోటలో
ఆఆ..ఆఆఆ..ఆహా..ఆఆఆఆ..ఆఆఆ

ఆడింది పూల కొమ్మ.. పాడింది కోయిలమ్మ
అనురాగ మందిరంలో కనరాదు పైడిబొమ్మ
ప్రణయాలు పొంగే వేళా.. ఆఆఆ..ఆఆ..ఆ ప్రణయాలు పొంగే వేళా
నాలో రగిలే ఎదో జ్వాల
మధుమాస వేళలో.. మరుమల్లె తోటలో

ఉదయించె భానుబింబం.. వికసించలేదు కమలం
నెలరాజు రాక కోసం వేచింది కన్నె కుముదం
వలచింది వేదనకే నా..ఆఆఆ..ఆఆ.. వలచింది వేదనకే నా
జీవితమంతా దూరాలేనా..
మధుమాస వేళలో.. మరుమల్లె తోటలో
మనసైన చిన్నది.. లేదేలనో
మధుమాస వేళలో.. మరుమల్లె తోటలో

ఆలాపన(aa Kanulalo Kalala Naa Celi..)

సినిమా:ఆలాపన

సంగీతం:పుహళెంది
రచన:ఆచార్య ఆత్రేయ
గానం:ఎస్ పి బాలు,ఎస్ జానకి

ఆ కనులలో కలల నా చెలీ..
ఆలాపనకు ఆది మంత్రమై
గొంతులోన గుండె పిలుపులా
సoధ్యలోన అందె మెరుపులా
గొంతులోన గుండె పిలుపులా
సoధ్యలోన అందె మెరుపులా

ఆ కనులలో కలల నా చెలీ..
ఆలాపనకు ఆది మంత్రమై

నిదిరించు వేళ హూదయాంచలాన
అలగా పొంగెను నీ భంగిమ
అది రూపొందిన స్వర మధురిమ
ఆ రాచ నడకా రాయంచ కెరుగా
ఆ రాచ నడకా రాయంచ కెరుగా
ప్రతి అడుగు శృతిమయమై
కణకణమున రసధ్వనులను మీటిన

ఆ కనులలో కలల నా చెలీ..
ఆలాపనకు ఆది మంత్రమై
గొంతులోన గుండె పిలుపులా
సoధ్యలోన అందె మెరుపులా
గొంతులోన గుండె పిలుపులా
సoధ్యలోన అందె మెరుపులా
ఆ కనులలో కలల నా చెలీ..
ఆలాపనకు ఆదిమంత్రమై

నీ రాకతోనే ఈ లోయలోనే
అణువులు మెరిసెను మణి రాసులై
మబ్బులు తేలెను పలు వన్నెలై
ఆ వన్నెలన్నీ ఆ చిన్నెలన్నీ
ఆ వన్నెలన్నీ ఆ చిన్నెలన్నీ
ఆకృతులై సంగతులై
అణువణువున పులకలు ఒలికించిన

ఆ కనులలో కలల నా చెలీ..
ఆలాపనకు ఆది మంత్రమై
గొంతులోన గుండె పిలుపులా
సoధ్యలోన అందె మెరుపులా
గొంతులోన గుండె పిలుపులా
సoధ్యలోన అందె మెరుపులా
ఆ కనులలో కలల నా చెలీ..
ఆలాపనకు ఆది మంత్రమై

2.ఆవేశమంతా అలాపనేలే(aveshamantaa Alaapanele yedalayalo)

ఆవేశమంతా ఆలాపనేలే ఎదలయలో
ఆవేశమంతా ఆలాపనేలే ఉదయినిగా
నాలో జ్వలించే వర్ణాల రచన..
ఆవేశమంతా ఆలాపనేలే ఎదలయలో

నిస నిస పసగమపనీస నిస నీస పసగమమ
సాసపామ మామదాద మదనిప మదనిప మదనిప
సాసపామ మామదాద సనిప సనిప సనిపదగస
అల పైటలేసే సెలపాట విన్నా
గిరివీణ మీటే జలపాతమన్నా
నాలోన సాగే అలాపన ఆరాగాలు తీసే ఆలోచనా
జర్దరతల నాట్యం అరవిరుల మరులకావ్యం
ఎగసి ఎగసి నాలో గళ మధువులడిగే గానం
నిదురలేచే నాలో హృదయమే

ఆవేశమంతా ఆలాపనే ఎదలయలో
ఆవేశమంతా ఆలాపనే

సానీస పనీస నీసగమగనీ
సాసానిద దనిప గమప గమప గమప గమగసగమగమ నిస నిస గమగపదనిస
జలకన్యలాడే తొలి మాసమన్నా
గోధూళి తెరలో మలిసంజె కన్నా
అందాలు కరిగే ఆవేదన నాదాల గుడిలో ఆరాధన
చిలిపి చినుకు చందం పురివిడిన నెమలి పింఛం..
ఎదలు కదిపి నాలోవిరిపొదలు వెతికే మోహం..

ఆవేశమంతా ఆలాపనే ఎదలయలో
ఆవేశమంతా ఆలాపనేలే ఉదయినిగా
నాలో జ్వలించే వర్ణాల రచన..
ఆవేశమంతా ఆలాపనేలే ఎదలయలో