Friday, January 25, 2013

ఇట్టి ముద్దులాడి బాలు డేడవాడు (Itti muddulaadi baalu )


అన్నమాచార్య కీర్తన
రాగం: దేవగాంధారి


ఇట్టి ముద్దులాడి బాలు డేడవాడు వాని బట్టి తెచ్చి పొట్టనిండ బాలు వోయరే

గామిడై పారితెంచి కాగెడి వెన్నెలలోన చేమ పూవు కడియాల చేయి పెట్టి
చీమ గుట్టెనని తన చెక్కిట గన్నీరు జార వేమరు వాపోయే వాని వెడ్డు వెట్టరే

ముచ్చువలె వచ్చి తన ముంగ మురువుల చేయి తచ్చెడి పెరుగులోన దగబెట్టి
నొచ్చెనని చేయిదీసి నోర నెల్ల జొల్లుగార వొచ్చెలి వాపోవువాని నూరడించరే

ఎప్పుడు వచ్చెనో మా యిల్లు చొచ్చి పెట్టెలోని చెప్పరాని వుంగరాల చేయి పెట్టి
అప్పడైన వేంకటాద్రి అసవాలకుడు గాన తప్పకుండ బెట్టె (బట్టి) వాని తలకెత్తరే

Saturday, January 19, 2013

పచ్చని తోట పసరుల తావి (pachchani tota pasarula taavi)

సినిమా:కడలి
రచన:వనమాలి
సంగీతం: ఏ ఆర్ రెహమాన్
గానం:అభయ్ జోద్పుర్కర్,హరిణి

పచ్చని తోట పసరుల తావి
నిశీధి మౌనం నీ ప్రేమ గానం...
పౌర్ణమి రేయి పొగమంచు అడవి
ఒంటరిగ వెళ్ళే నీతోటి పయనం..
ఇవి మాత్రం చాలు..ఇవి మాత్రమే..
నాకింక చాలు.. నువు మాత్రమే..
ఇవి మాత్రం చాలు..ఇవి మాత్రమే..
నాకింక చాలు.. నువు మాత్రమే..
పచ్చని తోట పసరుల తావి
నిశీధి మౌనం నీ ప్రేమ గానం...

కొలనుల నీటిలో తడిసే కొంగలు
విదిలించు రెక్కలా జల్లే అందమే
ముక్కోపమిడిచి ..నీ కొంగు తీసి..
నా మేను తుడిచే ..నిన్నల్లుకోనా
ఇది మాత్రం చాలు..ఇది మాత్రమే..
నాకింక చాలు.. నువు మాత్రమే...
ఇది మాత్రం చాలు..ఇది మాత్రమే..
నాకింక చాలు.. నువు మాత్రమే...

మానులు వొణికే మంచుకు తడిసీ
నెత్తురు నిలిచే చలికే జడిసీ
ఉష్ణం కోరెలే..వయసీ చోటే..
ఒకటే దుప్పటిలో ఇరువురం ఉంటే..
ఇది మాత్రం చాలు..ఇది మాత్రమే..
నాకింక చాలు ..నువు మాత్రమే...
ఇది మాత్రం చాలు..ఇది మాత్రమే..
నాకింక చాలు.. నువు మాత్రమే...

పచ్చని తోట పసరుల తావి
నిశీధి మౌనం నీ ప్రేమ గానం...
పౌర్ణమి రేయి పొగమంచు అడవి
ఒంటరిగ వెళ్ళే నీతోటి పయనం..
ఇవి మాత్రం చాలు..ఇవి మాత్రమే..
నాకింక చాలు.. నువు మాత్రమే..