మహామృత్యుంజయస్తోత్రం(Mahaa mrityunjaya stotram)

రుద్రం పశుపతిం స్థాణుం నీలకంఠముమాపతిమ్

నమామి శిరసా దేవం కిం నో మృత్యుః కరిష్యతి

నీలకంఠం కాలమూర్తిం కాలజ్ఞం కాలనాశనమ్
నమామి శిరసా దేవం కిం నో మృత్యుః కరిష్యతి

నీలకంఠం విరూపాక్షం నిర్మలం నిలయప్రదమ్
నమామి శిరసా దేవం కిం నో మృత్యుః కరిష్యతి

వామదేవం మహాదేవం లోకనాథం జగద్గురుమ్
నమామి శిరసా దేవం కిం నో మృత్యుః కరిష్యతి

దేవదేవం జగన్నాథం దేవేశం వృషభధ్వజమ్
నమామి శిరసా దేవం కిం నో మృత్యుః కరిష్యతి

గంగాధరం మహాదేవం సర్వాభరణభూషితమ్
నమామి శిరసా దేవం కిం నో మృత్యుః కరిష్యతి

త్ర్యక్షం చతుర్భుజం శాంతం జటామకుటధారిణమ్
నమామి శిరసా దేవం కిం నో మృత్యుః కరిష్యతి

భస్మోద్ధూళితసర్వాంగం నాగాభరణభూషితమ్
నమామి శిరసా దేవం కిం నో మృత్యుః కరిష్యతి

అనంతమవ్యయం శాంతం అక్షమాలాధరం హరమ్
నమామి శిరసా దేవం కిం నో మృత్యుః కరిష్యతి

ఆనందం పరమం నిత్యం కైవల్యపదదాయినమ్
నమామి శిరసా దేవం కిం నో మృత్యుః కరిష్యతి

అర్ధనారీశ్వరం దేవం పార్వతీప్రాణనాయకమ్
నమామి శిరసా దేవం కిం నో మృత్యుః కరిష్యతి

ప్రళయస్థితికర్తారమాదికర్తారమీశ్వరమ్
నమామి శిరసా దేవం కిం నో మృత్యుః కరిష్యతి

వ్యోమకేశం విరూపాక్షం చంద్రార్ధకృతశేఖరమ్
నమామి శిరసా దేవం కిం నో మృత్యుః కరిష్యతి

గంగాధరం శశిధరం శంకరం శూలపాణినమ్
నమామి శిరసా దేవం కిం నో మృత్యుః కరిష్యతి

అనాథః పరమానందం కైవల్యఃపదగామినమ్
నమామి శిరసా దేవం కిం నో మృత్యుః కరిష్యతి

స్వర్గాపవర్గదాతారం సృష్టిస్థిత్యంతకారణమ్
నమామి శిరసా దేవం కిం నో మృత్యుః కరిష్యతి

కల్పాయుర్దేహి మే పుణ్యం యావదాయురరోగతామ్
నమామి శిరసా దేవం కిం నో మృత్యుః కరిష్యతి

శివేశానాం మహాదేవం వామదేవం సదాశివమ్
నమామి శిరసా దేవం కిం నో మృత్యుః కరిష్యతి

ఉత్పత్తిస్థితిసంహారకర్తారమీశ్వరం గురుమ్
నమామి శిరసా దేవం కిం నో మృత్యుః కరిష్యతి

మార్కండేయకృతం స్తోత్రం యః పఠేచ్ఛివసన్నిధౌ
తస్య మృత్యుభయం నాస్తి నాగ్నిచౌరభయం క్వచిత్

శతావర్తం ప్రకర్తవ్యం సంకటే కష్టనాశనమ్
శుచిర్భూత్వా పఠేత్ స్తోత్రం సర్వసిద్ధిప్రదాయకమ్

మృత్యుంజయ మహాదేవ త్రాహి మాం శరణాగతమ్
జన్మమృత్యుజరారోగైః పీడితం కర్మబంధనైః

తావకస్త్వద్గతః ప్రాణస్త్వచ్చిత్తోzహం సదా మృడ
ఇతి విజ్ఞాప్య దేవేశం త్ర్యంబకాఖ్యమనం జపేత్

నమః శివాయ సాంబాయ హరయే పరమాత్మనే
ప్రణతక్లేశనాశాయ యోగినాం పతయే నమః

దారిద్ర్యదుఃఖదహన శివస్తోత్రం (Daaridryaduhkha Dahana Siva stotram)

విశ్వేశ్వరాయ నరకార్ణవ తారణాయ
కర్ణామృతాయ శశిశేఖరధారణాయ
కర్పూరకాంతిధవళాయ జటాధరాయ
దారిద్ర్యదుఃఖదహనాయ నమః శివాయ

గౌరీప్రియాయ రజనీశకళాధరాయ
కాలాంతకాయ భుజగాధిపకంకణాయ
గంగాధరాయ గజరాజవిమర్దనాయ
దారిద్ర్యదుఃఖదహనాయ నమః శివాయ

భక్తిప్రియాయ భవరోగభయాపహాయ
ఉగ్రాయ దుర్గభవసాగరతారణాయ
జ్యోతిర్మయాయ గుణనామసునృత్యకాయ
దారిద్ర్యదుఃఖదహనాయ నమః శివాయ

చర్మంబరాయ శవభస్మవిలేపనాయ
భాలేక్షణాయ మణికుండలమండితాయ
మంజీరపాదయుగళాయ జటాధరాయ
దారిద్ర్యదుఃఖదహనాయ నమః శివాయ

పంచాననాయ ఫణిరాజవిభూషణాయ
హేమాంశుకాయ భువనత్రయమండితాయ
ఆనందభూమివరదాయ తమోహరాయ
దారిద్ర్యదుఃఖదహనాయ నమః శివాయ

భానుప్రియాయ దురితార్ణవతారణాయ
కాలాంతకాయ కమలాసనపూజితాయ
నేత్రత్రయాయ శుభలక్షణ లక్షితాయ
దారిద్ర్యదుఃఖదహనాయ నమః శివాయ

రామప్రియాయ రఘునాథవరప్రదాయ
నాగప్రియాయ నరకార్ణవతారణాయ
పుణ్యాయ పుణ్యభరితాయ సురార్చితాయ
దారిద్ర్యదుఃఖదహనాయ నమః శివాయ

ముక్తేశ్వరాయ ఫలదాయ గణేశ్వరాయ
గీతప్రియాయ వృషభేశ్వరవాహనాయ
మాతంగచర్మవసనాయ మహేశ్వరాయ
దారిద్ర్యదుఃఖదహనాయ నమః శివాయ

తోటకాష్టకం (Totakashtakam)

విదితాఖిలశాస్త్రసుధాజలధే మహితోపనిషత్ కథితార్థనిధే

హృదయే కలయే విమలం చరణం భవ శంకర దేశిక మే శరణమ్

కరుణావరుణాలయ పాలయ మాం భవసాగరదుఃఖవిదూనహృదమ్
రచయాఖిలదర్శనతత్త్వవిదం భవ శంకర దేశిక మే శరణమ్

భవతా జనతా సుహితా భవితా నిజబోధవిచారణ చారుమతే
కలయేశ్వరజీవవివేకవిదం భవ శంకర దేశిక మే శరణమ్

భవ ఏవ భవానితి మే నితరాం సమజాయత చేతసి కౌతుకితా
మమ వారయ మోహమహాజలధిం భవ శంకర దేశిక మే శరణం

సుకృతేzధికృతే బహుధా భవతో భవితా సమదర్శనలాలసతా
అతిదీనమిమం పరిపాలయ మాం భవ శంకర దేశిక మే శరణమ్

జగతీమవితుం కలితాకృతయో విచరంతి మహామహసశ్ఛలతః
అహిమాంశురివాత్ర విభాసి గురో భవ శంకర దేశిక మే శరణమ్

గురుపుంగవ పుంగవకేతన తే సమతామయతాం నహి కోzపి సుధీః
శరణాగతవత్సల తత్త్వనిధే భవ శంకర దేశిక మే శరణమ్

విదితా న మయా విశదైకకలా న చ కించన కాంచనమస్తి గురో
ద్రుతమేవ విధేహి కృపాం సహజాం భవ శంకర దేశిక మే శరణమ్