చిత్ర పాటలు

సినిమా: సింధు భైరవి 
సంగీతం : ఇళయరాజా
గానం :  చిత్ర


పాడలేను పల్లవైన భాషరాని దానను
వెయ్యలేను తాళమైనా లయ నేనెరుగను   : పాడలేను : 2 :


తోచింది చెప్పాలని ఎదుటికొచ్చి నిలుచున్నా
తోచిన మాటలనే వరుస కట్టి అంటున్న    : పాడలేను :


అమ్మ జోల పాటలోనా రాగమెంత ఉన్నది
పంట చేల పాటలోనా భాష ఎంత ఉన్నది
ఊయలే తాళం పైరగాలే  మేళం     
మమతే రాగం శ్రమ జీవనమే భావం
రాగమే లోకమంతా : 2 :
కష్టసుఖములె స్వరములంటా 
షడ్జమ కోకిల గాన స్రవంతికి 
పొద్దు పొడుపే సంగతంటా                     : పాడలేను : 


రాగానిదేముంది రసికులు మన్నిస్తే
తెలిసిన భాషలోనే తియ్యగా వినిపిస్తే
ఏ పాటైనా ఎద పొంగిపోదా 
ఏ ప్రాణమైనా తమిదీరి పోదా
చెప్పేది తప్పో ఒప్పో ఓ .ఓ .2 :
రహస్యమేముంది విప్పి చెబితే
ఆహో ఊహూ రోకటి పాటలొ 
లేదా మధుర సంగీతం    : ఆహో :        : పాడలేను :


మపదమ పాడలేను పల్లవైన
స రి గమ పదమ పాడలేను పల్లవైన
పదనిస నిదమగ సరి పాడలేను పల్లవైన
సస రిగ సరిగమ గస పదమ 
మమ పద మపదని దమ పదని
పద నిసరిగ సనిదమ
పదనిస నిదపద నిదమప దమగమ పదమగ మగస
ససస ససస ససస సరిగప గపగస నిద  
మమమ మమమ మమమ పదనిస నిసనిస మగ 
ససరిరి గగమమ పపదద నినిస
నిస సస నిస నినిద
మపదని దని దదమ
గమగస రిగమగ
మపదమ పదనిస
రిగమగ సనిదమగ
మరి మరి నిన్నే మొరలిడ
నీ మనసున దయ రాదు                    : మరి మరి :      



చిత్రం :       స్వయంవరం
సాహిత్యం : భువనచంద్ర
సంగీతం :   వందేమాతరం  శ్రీనివాస్
గానం :      చిత్ర

మప    మపరి
రిమ    రిమస
మరల తెలుపనా ప్రియా మరల తెలుపనా  : 2 :

ఎద లోయల దాచుకున్న మధురోహల పరిమళాన్ని : 2 :
కనుపాపలు నింపుకున్న చిరునవ్వుల పరిచయాన్ని   : మరల తెలుపనా  :

విరబూసిన వెన్నెలలో తెర తీసిన బిడియాలని  : 2 :
అణువణువూ అల్లుకున్న అంతులేని విరహాలని : 2 :
నిదురపోని కన్నులలో పవళించు ఆశలని
చెప్పలేక చేతకాక మనసుపడే తడబాటుని
మరల తెలు హ..హ. ప్రియా మరల తెలుపనా

నిన్న లేని భావమేదో కనులు తెరిచి కలయ జూసే  : 2 :
మాట రాని మౌనమేదో పెదవి మీద ఒదిగిపోయే   : మాట రాని :
ఒక క్షణమే ఆవేదన మరుక్షణమే ఆరాధన
తెలియరాక తెలుపలేక
మనసు పడే మధుర భాధ                                    : మరల తెలుపనా :




చిత్రం: ప్రేమ
రచన : వేటూరి సుందరరామమూర్తి
సంగీతం: ఇళయరాజా
గానం: ఎస్.పి. బాలసుబ్రహ్మణ్యం  కే.ఎస్.చిత్ర

ఈనాడే ఏదో  అయ్యింది
ఏనాడూ నాలో జరగంది
ఈ అనుభవం  మరలా రానిదీ
ఆనందరాగం మోగింది
అందాల లోకం రమ్మంది            : ఈనాడే :

నింగీ నేల ఏకం కాగా ఈ క్షణమిలాగెలాగింది : 2 :
ఒకటే మాటన్నదీ ఈ.ఈ .
ఒకటై పొమ్మన్నది
మనసే ఇమ్మన్నది అది  నా సొమ్మన్నది
పరువాలు మీటి నన  ననన
సెలయేటి తోటి   నన ననన
పాడాలి నేడు నన ననన
కావాలి తోడు నన నన   నన నన
నన నన  నన నన 
నన నన                               : ఈనాడే :

సూర్యుని మాపి చంద్రుని ఆపి వెన్నెల రోజంతా కాచింది : 2 :
పగలు రేయన్నది అసలే లేదన్నది
కలలే వద్దన్నది నిజమే కమ్మన్నది
ఎదలోని ఆస నన ననన
ఎదగాలి బాస నన ననన
కలవాలి నీవు నన ననన
కరగాలి నేను నన నన నన నన
నన నన నన నన 
నన నన                               : ఈనాడే :



చిత్రం :         స్వాతి కిరణం
సంగీతం :     పుహళేంది
గానం :        వాణి జయరాం, చిత్ర

జాలిగా జాబిలమ్మ రేయి రేయంతా  : 2 :
రెప్ప వెయ్యనేలేదు ఎందుచేత ఎందుచేత
పదహారు కళలని పదిలంగా ఉంచని  : 2 :
ఆ కృష్ణ పక్షమే ఎదలో చిచ్చు పెట్టుట చేత
కాటుక కంటి నీరు పెదవులనంటనీకు
చిరునవ్వు దీప కళిక చిన్నబోనియ్యకు
నీ బుజ్జి గణపతిని బుజ్జగించి చెబుతున్న  : 2 :
నీ కుంకుమకెపుడూ పొద్దు గుంకదమ్మా

సున్ని పిండిని నలిచి చిన్నారిగా మలిచి
సంతసాన మునిగింది సంతులేని పార్వతి
సుతుడన్న మతి మరిచి శూలాన మెడ విరిచి
పెద్దరికం చూపే చిచ్చు కంటి పెనిమిటి
ప్రాణపతినంటుందా బిడ్డ గతి కంటుందా  : 2 :
ఆ రెండు కళ్లల్లో అది కన్నీటి చితి
కాల కూటం కన్నా ఘాటైన గరళమిది
గొంతు నులిమే గురుతై వెంటనే ఉంటుంది
ఆటు పోటు ఘటనలివి ఆట విడుపు నటనలివి
ఆది శక్తివి నీవు అంటవు నిన్నేవి
నీ బుజ్జి గణపతిని బుజ్జగించి చెబుతున్న
కంచి కెళ్ళి పోయేవే కథలన్నీ ..



సినిమా: మాతృదేవోభవ
సాహిత్యం :   వేటూరి
సంగీతం :  ఎం ఎం కీరవాణి
గానం :        చిత్ర

వేణువై వచ్చాను భువనానికి
గాలిని పోతాను గగనానికి
మమతలన్ని మౌన గానం
వాంఛలన్ని వాయు లీనం

మాతృదేవోభవ
పితృదేవోభవ
ఆచార్యదేవోభవ

ఏడుకొండలకైన బండ తానొక్కటే
ఏడు జన్మల తీపి ఈ బంధమే
నీ కంటిలో నలక లో వెలుగునే కనక
నేను మేననుకుంటే ఎద చీకటే
హరీ .. హరీ ..హరీ ..
రాయినై ఉన్నాను ఈనాటికి
రామ పాదము రాక ఏనాటికి     : వేణువై  :

నీరు కన్నీరాయె ఊపిరే  బరువాయె
నిప్పు నిప్పుగ మారె నా గుండెలో  : నీరు  :
ఆ నింగిలో కలిసె నా శూన్య బంధాలు
పుట్టిల్లు చేరే మట్టి ప్రాణాలు
హరీ ..హరీ .హరీ ..
రెప్పనై ఉన్నాను మీ కంటికి
పాపనై వస్తాను మీ ఇంటికి        : వేణువై  :

వేణువై వచ్చాను భువనానికి
గాలినై పోయాను గగనానికి



చిత్రం: రుద్రవీణ
రచన: సీతారామశాస్త్రి
సంగీతం: ఇళయరాజా
గానం: కే.జే.ఏసుదాస్, కే.ఎస్.చిత్ర 

లలిత ప్రియకమలం విరిసినదీ       : 2 :
కన్నుల కొలనిని  అ.. అ.. అ.. 
ఉదయ రవికిరణం మెరిసినదీ ఊహల జగతిని అ..అ..అ..
ఉదయ రవికిరణం మెరిసినదీ
అమృత కలశముగా ప్రతి నిమిషం  : 2 :
కలిమికి దొరకని చెలిమిని కురిసిన అరుదగు వరమిది               
                                                        : లలిత ప్రియకమలం :

రేయి పవలు కలిపే సూత్రం సాంధ్య రాగం కాదా నీలో నాలో పొంగే ప్రణయం
నేలా నింగి కలిపే బంధం ఇంద్రచాపం కాదా మన స్నేహం ముడివేసే పరువం
కలల విరుల వనం మన హృదయం : 2  :
వలచిన ఆమని కూరిమి మీరగ చేరిన తరుణం
కోటి తలపుల చివురులు తొడిగెను తేటి స్వరముల మధువులు చిలికెను
తీపి పలుకుల చిలుకల కిల కిల తీగ సొగసుల తొణికిన మిల మిల
పాడుతున్నది ఎద మురళీ రాగఝరి తరగల మృదు రవళి
తూగుతున్నది మరులవని లేత విరి కులుకుల నటన గని
వేల మధుమాసముల పూల దరహాసముల మనసులు మురిసెను 
                                                       : లలిత ప్రియకమలం :

కోరే కోవెల ద్వారం నీదై  చేరుకోగా కాదా నీకై మ్రోగే ప్రాణం ప్రణవం
తీసే శ్వాసే ధూపం చూసే చూపే దీపం కాదా మమకారం నీ పూజా కుసుమం
మనసు హిమగిరిగా మారినదీ   : 2  :
కలసిన మమతల స్వరజతి పశుపతి పదగతి కాగా
మేని మలుపుల చెలువపు గమనము వీణ పలికిన జిలిబిలి గమకము
కాలి మువ్వగ నిలిచెను కాలము పూల పవనము వేసెను తాళము
గేయమైనది తొలి ప్రాయం రాయమని మాయని మధుకావ్యం
స్వాగతించెను ప్రేమ పధం సాగినది ఇరువురి బ్రతుకు రధం
కోరికల తారకల సీమలకు చేరుకొనె ఒడి ఒడి పరువిడి     
                                                          : ఉదయ రవికిరణం :